211030六Halloween午陰25°C 73%：FB唔使預我

建制忙於參選。呢次輪到自己打自己，上意最關鍵。

反制惱於週一起，出入當局既街市、醫院診所會個資「送終」。買餸可以幫襯街檔，但唔通唔睇病探病？的後生會點反制？

95歲的英女王遵醫囑，偷得浮生2週閒。為國辛勞70年，贏得世人厚愛名。但或許也是全身而退之時。長子無疑不及，但宇宙法則日換星移、薪火相傳，接棒後多少會有轉機既。按英國國歌，God自然會bless the King架啦！

近日中華頭條無疑係蔡英文親口證實美媒說的：有美軍駐台協助訓練台軍。台媒接著說：主要係中階軍官，約數十人，每半年在台、美間輪換。

但陸方咁厲害，我估早就知悉，而家大鬧純屬作勢。還睇武壓會否升段。2,300萬人，包括近年遷台的幾萬港人，要有心理準備！

Facebook母公司借開發metaverse/元宇宙的新時代業務，昨起改名「Meta」。但Zuckerberg之心，路人皆知：Facebook近年劣評不絕，頻頻被歐美開刀，想正名洗底。

但同公司的Facebook、WhatsApp、Instagram等apps冇話要加稱meta，用戶似無須理會。

Meta源自希臘文，意為「超越」。港有人用粵語，諧音‘面癱’；在以色列人的希伯來語裡據說更諧音死亡。有人笑冇人讚好，可見民意反FB。

我以前做新聞，怕同行的政見對親友構成壓力，上Facebook一向只睇唔po，最多係偶然讚好。到近年，為免香港的政爭連累親友，好多親友邀約為friend，我都唔接納。

親友多已退休，但求品味養生。但近年香港為‘國’撕裂，Facebook成為戰場，連我都怕，更冇理由要親友因為我係friend，被我既同行政治轟炸。《聖經》話，人活著不是單靠食物。咁人活著就更唔係靠政治。

有人出於理想而無政治不歡，可以理解，但Facebook就唔使預我啦！