211004一晨陰30°C 68%：煩瑣哲學

晚後補：

下午做運動飲茶，睇到ICIJ年度報告的另一個細節，更說明呢班人冇腦，以為貪腐就係天下第一惡。

年度報告說，俄羅斯有清潔工出身既中年女子，係Monaco和國內都有豪宅，身家過億。

So what？中國好多百億富豪，原來可能係雞鳴狗盜，由0到億不過係幾年既事。我同樣唔知佢地既錢來得有幾清白。

原來ICIJ話，呢個女士好可能係普京早期既情婦。同樣，so what？我唔係話政要有情婦好，而係政要可能有100種evil，養情婦相對可能係peanut。

就以普京來說，ICIJ寧可佢養情婦定毒殺自己既同行？

以下上午上博：

ICIJ（國際調查記者聯盟）賣離賣去只有一種貨：各國政要有冇貪污、洗錢、避稅？實則美國政府既同道，只不過冇long arm of the law。

美國政府既全球反貪game，由CIA等情報機構打探。查到後，用秘密外交加特工，逼外國拉人返美受審。ICIJ則想谷起當地輿論，逼的“貪官”落台。

但ICIJ踢爆既人，通常位於“保守”地區，例如白羅斯，慣咗呢的irregularities。ICIJ只係自我陶醉，以為世界靠佢地就邁向光明。

我生性雜，覺得呢種所謂investigative reporting實則“揸住雞毛當令箭”（共產黨叫做“繁瑣哲學”）。港即便有特首在職時賣過股收咗錢又如何？身家若億計，筆數只不過係個零頭。最多請人補多幾倍稅囉，或者捐多幾倍錢俾有效既慈善機構。