211009六晨8號波陣風28°C 85%：起樓維穩壓倒一切

紮醒就8號，晨運留屋內。

記者搵到個話題：離港最遠既8號波。But who cares?市民真正關心既，怕係周六冇街去。但相信又唔介意：因為個風叫做 “獅子山”，港人最愛。港台不如趁市民8號冇定去，重播幾集最Like既“獅子山下”啦！

昨晨剛話風雨下冇人傷亡，中午就傳來高尚地段冧大棚架，砸死一名一子一女已成年既中年女工。

工權組織大嘩。記者終於搵到話題離反制北發大計既saturated bombing。但適逢週末，俾你嘈兩日咁多啦！

咁講絕非唔將人命放在第一位。但客觀上，善後靠幕後：對苦主合理既補償+改善規例加強保障。The world has to go on.

今日針對北發大計既另一個話題係：煲少米粥，其實缺地3,000公頃，遠超幾年前講既1,200公頃。

我唔信政府萬能，但又信最後多數找到數。起樓係維穩之本，誰敢不從？只不過政治記者本質上係自由派，靠踩權貴攞彩。

講句笑，由港九市區出動“北發”，其實與‘北伐’不止係同音之宜，因為要掃除無數咁多港開埠170年來既鄉土障礙。林鄭肯定冇咁大既bulldozer。但上面有世界最大既鑽隧道、挖海床、鋪路...mega機，無堅不摧。

至於支聯豎係港大既‘國殤之柱’ ，好心走就走啦，使乜咩理據！你顧掂自己先啦！ 

有一對夫婦被發現藏有一把真槍和若干子彈，兼防毒面具、鐵蓮花…。果真有關國安，怕好大鑊！

美商會話嚴格檢疫阻招才，但向港府反映如對牆談話。再次說明抗疫東vs西2條路線之別：西方信病毒無法滅絕，只能與其共存vs中國信人定勝天，病毒一定可以滅絕，而且必須滅絕。

香港係中國領土，只不過國安前跟西方；進入新時代後，要盡可能與中央一致。

國安收料好全面：〈新西17區議員宣誓未過關 台灣觀選期間展「光時」旗列證據〉。

月底選立會報名，法基報〈逾半民主派…反對參選〉：逾半意料中事。但冇念到既係：所謂“逾半”只係53%僅超。我以為至少有7成。咁睇反而對當局有利：有唔少民主派未完全‘自閉’，想睇吓當局俾幾多空間。希望當局識do。

今日太多嘢想講，暫時係咁先。