晨運撞著雨，返屋企又停，玩死！
550萬人領2,000蚊消費券的3天長假最後今日，加上落雨，可望繼續旺商場，雖然唔少人怕已使突2,000。
新加坡日確3,000，榮膺東亞疫都。但仍按計劃，下周四放寬入境隔離期。預告會破5,000，可信就係計埋放病毒入境。
無他，我地既呢個姐妹市比有我哋更有錢，但約只有400萬本地人，面積約只有港2/3，致富靠金融、科創。既要持續引入年入百萬港元起跳的西方高管、專家，也要大量年入十萬港元的南亞傭工。外來人一斷供，經濟也就停滯，明知爆疫也要頂硬上，將漏入病毒換來的錢部分用來抗疫，這就是經濟學賺一蚊賠番五毫成本。但染病的痛苦以至人命怕就唔計得咁多！
借用我這一代兒時的啓蒙口訣：富星洲，孔乙己，化“3,000”，七十士。
今日既全球頭條相信係美國大藥廠Merck(官譯：默沙東)話，發明咗口服藥Molnupiravir（粵語音譯：無奈俾啦喂！），可望將入院和死亡的機率減至一半。
有關研究尚待第三方的專家驗證。但世界頭兩三大的藥廠開口，唔敢太離譜，股價應聲飆。但有人得就有人失：有好藥就冇咁多人打疫苗，疫苗股應聲跌。你short咗未？
由於入院成本高（香港公院每日住院成本過萬）、醫護和設備壓力大，染疫者可留家服藥，善莫大焉。新藥每個療程要700美元，但相對醫院成本，除笨有精。
但染疫者留家治療，感染家人點算？
多少反映港人的心態。吹咗20年創科，但此消息港媒唯hk01詳細報道，可見有幾多人真心創科。
大陸被指10.1國慶日派“38”架次軍機闖入台灣西南空域。借生日來寓意對岸“又生又發”，幾有心思呀！
但台語“又生又發”應該唔係“38”窩。PLA係唔係下次按台語離發聲？
至於港大的‘國殤之柱’，算啦！顧住的人先啦！
沒有留言:
張貼留言