Oh, what a beautiful morning! Oh, what a beautiful day!
唔好誤會，我真係講天氣。唔係因為今日係香港既大日子，借題發揮，擦人地鞋。
朝早晨運。個日頭好靚，和風陣陣，好爽。仲咁啱邊做邊肚餓。
人頭60年，肚餓只當係「自然」現象。老咗先知肚餓唔係必然。因為，新陳代謝大減，胃口細，食少少就飽，甚至唔想食。因此，老來肚餓係福氣，要感恩。
林鄭今晨發表在任最後一份《施政報告》。佢梗係想借呢份來引出多5份俾佢名留青史啦，但邊有咁便宜。因為，精髓早已通天既呢份縱使富革命性，與戰後英殖的放任經濟決裂，改以中式一國兩制的社福路線再出發，但指導思想來自中國特色的社會主義，連落實背後亦靠人地搞掂班瑪沙、鄉紳。林鄭有幾多功勞，心照！你唔係唔打得，但百年積習，神仙都難救，你以為你係如來佛祖。
不過，針冇兩頭利，有人快樂有人愁。有名筆哀嘆：香港真的質變！香港的確係質變，可能對今後的後生、基層有利，但對而家中年以上、中層以上既人通常不利。
文化精英階層可能更不開心的是，長期被視爲香港定海神針的英式法治，可信亦將改弦易轍。我唔信香港會冇咗法治，但其內涵肯定好唔同往昔。
剛才翻網頁。抗爭新女神今續審，要求法庭多給些時間，因爲自辯，撰寫辯詞需時。女神在學時屬狀元級，由港去劍橋，初學科學，後來像魯迅，覺得法律才是社會基石，回港入港大學法，做咗大律師，以捍衛法治爲己任。
這是她上庭的第一場大仗，今後當陸續有來。或因此，法治基要報網站選了女神笑得純美的小照，爲她打氣，希望讀者Like。
林鄭今晨的演說與女神今日的庭上雄辯，且看邊個多po。女神，good luck！
Sit back and relax?
1 則留言:
我估她不想選下屆
張貼留言