2018年6月20日 星期三

180620三晨29°C 83%:Donald Trump的夢魘?

   繼Google用AI軟件捉圍棋發覺人類必敗,現在IBM用軟件Project Debater鬥人類辯才。機vs人首仗一勝一負(見OD)。
   軟件雄辯之餘,更會講笑博Like。例如說:「聽講咁會令人血液沸騰喔。但我就唔知啦,因為我都冇血既。」(原文改寫成粵語)
   美國2年後大選,民主黨怕要靠它來阻止Trump連任。共和黨會要求立法禁止電腦參選。
   所有這類人工智能,無論寫作、翻譯、分析、猜謎、捉棋、辯論,原理一句講嗮:將有關議題的海量資料和詞語輸入電腦,讓軟件自行消化,整合出答案。但軟件從前靠死記,而家的AI會像有機體舉一反三。你教會它1+2=3,它會推斷出1+3=4...,甚至由加法推斷出乘法。
   電腦雄辯誰得益?首先想到的是,律師、政客、名嘴、網紅、社運鬥士...可請槍。
   但爲期不長,很快就會被電腦取代。請超級電腦上庭,未必貴過香港大狀。兩年後同電腦辯論,Trump未必有着數。
   What next AI?科幻會告訴你:最終會反客爲主,奴役人類。到時,中國國歌就響遍全世界。
   年來,中國每週每月都爲「中國第一」報喜,例如:量子衛星、最深潛水capsule、最快超級電腦、最大天文望遠鏡、最大海上鑽台...。且看「厲害國」這次如何還IBM以顏色。

2018年6月19日 星期二

180619二晚30°C 78%:英格蘭有好開始

   英格蘭昨首仗補時險勝2:1,港酒吧好生意。但半夜對突尼斯,我連看了幾天後放棄。只盡了亞洲義務。
   韓國對不算強的瑞典,被㩒住離攻。MVP係龍門,否則點只輸一球十二碼。
   看AD,原來韓、日都青黃不接。看來等一陣日本也凶多吉少。
   至於比利時淨勝巴拿馬3:0,原來此歐洲小國近年好勁。我平時懶睇,要補的課。
   退休以來,以這輪睇波最多。功勞要歸俄羅斯。時差冇西歐、美洲咁大,8點和11點的兩場都可應付,半夜2點就只限大波。
   但每日睇完匆匆上博,結論縱相差不遠,難免疏漏。例如,尼馬被瑞士jel,與美斯被冰島死纏,雖然都屬超技術,但本質有別。美斯對住班大舊佬冇符,但也冇傷;但尼馬真傷,幾乎一帶波上就被拖低。是悍矛之別。
   但說到底,南美球員矮細慢過歐洲,技術高一皮先保得住優勢。
   C朗對西班牙能單天保至尊,與尼馬對瑞士除了對手斯文,也因爲高1米85(6呎1),彈力過人,速度高,體型fit似健身教練,腳與同樣食糊,早期甚至識插水用詐維京佬怕也阻唔住。
   但尼馬、美斯矮細,冇頭槌,純靠腳法穿插,辛苦很多。

2018年6月18日 星期一

180618一 29°C 76%:墨西哥抵讚,瑞士抵「靴」

   此文上博後開電視看睇瑞典vs韓國,想起The Economist封面。Is Kim Jong Un watching live in Pyongyong. And would he WIN?
       繼阿根廷後,昨再有兩強首仗失分。巴、西、葡、法、阿、德6強首仗,唯法國執到3分,德國甚至0分。
   上屆冠軍德國輸0:1。我坐在電腦前,等遠處的電視有動靜才看。即便這樣也顯見,墨西哥一開場就快攻。當時就估:趁上半場夠氣領先,下半場改守,讓時間壓力act on德國。算係估啱:領先1球後,下半場回防。德國搏命,機動如常,但腳法唔夠,運氣更差。墨西哥戰術和戰意都抵讚。弱隊對強隊就係要咁。
   巴西腳法照樣可觀。上半場領先1球,但無法增添。遇上暫時本屆最茅的瑞士,見尼瑪就食。後者無奈。加上一如德國欠運,攻極唔入。反而俾瑞士在門前推人頂入逼和,奈何!
   尼瑪的遭遇使我想起六十年代初他的前輩比利。以神級表現帶領巴西奪得世盃後,第二屆再出,一上場就被對方掃低,該屆宣告收工。下毒手者被逐,但一搏一大賺,其他強隊亦偷笑。不記得巴西該屆成績如何。當年罰則鬆,換了今天,怕全隊出局、國際停賽,甚至逐出足協,否則㩒唔住巴西暴動。
   昨第三場塞爾維亞贏哥斯達黎加1:0,最值得一記的是前者下半場龍門左側的25碼罰球,射得甚至靚過第一日的C朗。當然也是因爲距離較遠較側,對方的人牆排得較鬆,罰球容易越過人牆。C朗個球係正蛾眉月頂,對方成排高佬博嗮命,但都俾佢用高炮飛過,絕對神級。
   祝韓國今晚好運。

2018年6月17日 星期日

180617日午30°C 64%:美斯果然係命

   剛連睇兩場。
   頭場法國技高一籌,但被澳洲憑身型體力鬥志幾乎拉平。雙方各入一個十二碼,最後勝負睇運。法國最高身價的Pogba尾段大腳抽射撞橫樑落地彈出,影像確定已過白界。法國憑此險勝2:1,但表現缺冠軍相。
   澳洲06年由只有蚊型島國的大洋區轉入亞洲區,記憶中每屆都能入決賽週,與東亞兩強的韓日不相伯仲。在決賽週雖然陪跑,但對歐洲、南美輸得好睇。考慮到其偏處地球一角,對外交流不易,國民愛欖球和戶外活動,足球又不像中東油國靠請槍,有此成績值得自豪。
   這隊澳洲還有一奇景:隊長Jedinak既巨鬍似虔誠的伊斯蘭,又似紐約既Hasidic Jew。對手拉唔住衫時,萬一掹鬚都幾痛苦。   

   唔敢唔信,美斯爲國出征二奶命。
   昨帶領阿根廷首戰,以爲可用首次入決賽週的冰島祭旗,點知俾技術普通但高大強悍的維京人4411加拉扯推撞抵消技術優勢。唯一贏面的十二碼也被隊長大人係咁一腳but埋去被擋回,成爲決賽週兩日以來,唯一宴客的十二碼。
   美斯衰咗後,博命想贖罪。但俾對方幾個人死纏,扭極都擺唔甩,勉強起腳又冇運。
   埋單1:1,人口只及中國一個鎮的冰島,在世盃亞軍身上奪得決賽週的第一分。
   其實不止阿根廷,巴西亦然,南美勁旅往往被本身最強的腳法所累。慣拖波,易在西北歐的高速高壓下失拖。推拉撞雖然超技術,但未至傷人,任你罰,耐佢唔何。
   南美人技術要高一皮,才可望抵消西北歐人的高快悍優勢,否則就劣幣驅逐良幣。   
   睇美斯在場上的無奈,有時係幾心噏。
   但冰島隊最有趣的是:隊裏23人,有22個姓-son(港譯臣)。-son的字尾顯來自男人大嗮的古維京。生仔叫Johann Iammyfathersson冇問題;但生女叫Mary Iammyfathersson?
   這方面,斯拉夫民族較平等。生仔字尾用-v(夫),生女用-va(娃)。女仔唔使硬跟男仔姓。冇人唔知網球場上既Sharapova係女人。
   相對沙特,冰島隊同樣值得注意的是,清一色Viking look金髮白人,不靠外援。當然,冰島雪多過人,冰甲難覓觀衆,過江龍唔吼。但10萬本土人有此成就,絕不簡單。下次收起超技術就好。

2018年6月16日 星期六

180616六午後豔陽31°C 61%:Too soon to judge if he WON

   特統對500億美元中國貨加稅,中方稱禮尚往來。我還是不太擔心。一來只是起先說的四分一,佔貿易額不大(對中招行業的利益又當別論);二來雙方會繼續還價,最終非互插一刀難下台,但不一定比500億壞。
   即使我估錯,最後壞得多,以大陸今天的財力,長遠也只是一次三號波,可警醒更好。
   *至於特金會,西媒囿於意識形態,繼續鬧金諷特。既怕自由世界俾共產惡魔呃,也借“Kim Jong WON”(:"Economist" 0616封面)來刺最愛自詡的特統。
   但其實一句講嗮:「觀其行」最實際。睇佢炸咗核試場後,月內攞唔攞得出其他實質。真係靠呃,好快就爆煲!。
   相比之下,睇佢「冶」遊獅城,翌日即對國人宣揚,怕更能反映他的意向。或無可能去到獅城咁盡,但想步中國後塵,怕有七成可能。

180616六午後豔陽31°C 61%:神級阿C

   想知西班牙頂唔頂得住靚仔(但更似膠面)C,破例半夜起身,但過咗半個鐘才懾入。
   西攻葡守,留C朗突擊。最後個人包辦3球,逼和對手,確證神級。
   第一個十二碼係阿C賺番離既。第二個波雖然射得快,但靠對方門將漏油。關鍵在完場前蛾眉月前的罰球,僅僅飛過對方人牆跳起的左上方,彎入龍門左上角。掂網時沙一聲,仲有力度,神過昔日碧咸既七旋斬。
   西班牙全場佔優。上半場的短傳有巴西咁準,但幾乎都係第一時間,唔似巴西站站拖。三個入波都清脆。被逼和在於下半場中段起放慢。或因上半場太快,後勁不繼。有冇冠軍相,關鍵或在氣力與門將。
   此前的烏拉圭對埃及排在飯後,更睇足全場。烏拉圭高半皮,控球多,但冇乜威脅。埃及「美斯」全場坐冷板,亦神級佈局。全場頂住,惜最後兩分鐘被門前頂入,亦可說死守必失的教訓。
   今晚9點會睇David對Goliath。唔捧美斯,只盼弱者爭氣,球王爲國出征轉運。

2018年6月15日 星期五

180615五午後雲27°C 76%:其實足籃都不Like

   韓國多年前創下世盃第四的亞洲人奇蹟後,後勁不繼。呢次連運都輸埋,與德國、墨西哥、瑞典同組,出線凍過水。但韓人民族感強、硬朗,且看博到盡會否有奇蹟。
   我其實籃、足都嫌。籃球場細人大,太易入波。全隊平均兩米(六呎六),由己方底線三步加飛躍就夠上籃。一場動輒成百分,籃者濫也。
   我更憎明明輕鬆跳起就可上籃得分,爲了博Like,刻意在半空扭兩扭,核突
   有本事跳起空中轉身閃過對方封籃入樽呀!但如此神技唯高比、大帝等傳奇人物做得到。於是人人用哈林花式來呃Like。
   我同樣他不愛足球,嫌場大人細,太難入波。90分鐘往往一球定輸贏,由門柱、球證、剎那間碰撞的運氣主導。有人話,球隊表現非deterministic先有驚喜、有得賭。但對我來說,賽果公平遠比觀衆開心重要。
   至於這次較Like西班牙,覺得全隊較平均。例如無flare的光頭中坑恩尼斯達,腳法實在,不欺場,球品。唔爭功,但功勞至大。
   承蒙網友提起。是的,我下筆時忘了講。上博當天,西班牙已宣佈炒自爆獲皇馬高就的領隊。古語話,陣前換帥兵家大忌。只能希望他們拋開雜念,盡力而爲。我相信,謀事在人,成事在天。
   今晚半夜若有精神,或看他們頂唔頂得住靚仔朗。