211004一晨陰 29°C 71%：北區有福了，天國是你們的！

駐港央官話，新界北可能成為新的經濟中心。與此同時，當局放風：1. 洪水橋起鐵路，10分鐘到前海；2. 北環線會落到大埔；3. 港珠澳大橋駁埋深圳，Y形變一對倒Y。附圖見日前MP。

港重心北移絕對有理：深圳係珠三角既經濟重心，人口>2x香港，隔離既東莞人口都過千萬，何況仲有佛山、南沙、番禺。大橋打通深圳後，香港最終就無縫融入深圳metropolitan area。

這使我想起大紐約：紐約市（英國英文所謂proper）本身靠金融、貿易、旅遊、資訊（媒體、廣告），唔係就係我地香港囉。但紐約proper南邊隔一條河既小州New Jersey專長科技，係化工做研究（唔喺生產，所以冇污染）既重地，有世界名校Princeton既科研支援。紐約proper北邊揸車個幾鐘既小州Connecticut環境優美，以世界名校Yale為核心，係紐約proper old rich（new rich愛喧譁，要Sex in the City，多住在曼哈頓鬧市既豪廈）既社區。

這不就是Shenzhen Metropolitan Area十年後既佈局？到時，今日既香港相信就係Connecticut，傳統有錢人既窩，南區既beach就係歐洲既地中海沿岸，有Monaco、Riviera；北邊既前海就係New Jersey，創科工業hub。

當然，如果你而家有十億八億，也不仿買個南區乜乜灣、澳既單位，十年後也必定好搶手。Monaco既apartment搶手到有市無價。彈丸之地太矜貴，世上有錢人太多。想做Monaco居民，有100億都未必輪得到。

同意既話，快的去天水圍搶番個單位！恭喜而家住緊北區既朋友：你地有福啦，天國是你們的！