211009六晚8號尾27°C 94%：睇日劇學天氣

“獅子山”在港外圍由清晨徘徊到午夜，足足16小時，似不忍與港人告別，連累天文台一再推遲8號落波的時間。

你辛苦了！一路走好！

全日停頓下，唯一既話題係水浸、冧樹。我幾乎每個鐘都會瞄一次港台既“即時”。但除了天文台既官話、全港災情既數字，好少地區既細分。例如：WhatsApp昨日就收到港島半山氾濫既視頻，但唔見新聞有講。

市民關心區內災情，以求趨吉避凶、出入平安，例如：半山氾濫，揸車要兜路。全港數字留番聽日俾媒體上頭版就好。當局雖然做得好辛苦，但冧唔到市民，關鍵在這種港式‘官僚’：唔貼身，甚至怕貼身。

最近睇NHK 150x15m既晨間劇(M-F 7:30-7:45)《歡迎回來，百音》先知天氣對社會既影響。

清原果耶演的少女成長於日本東北3.11重災區的一個小島，被海嘯帶走了嫲嫲。中學畢業後，先是到附近盛產木材的山區學護林。期間遇到電視台的天氣播報員來訪，從而對天氣發生興趣，苦學考取有關文憑，轉去東京專門提供天氣資訊的公司工作。

原來，常人睇天氣只為著衫帶遮。但農民、漁民甚至航運好睇天食飯。天氣公司有大熒幕全天候實時顯示日本海上一百幾十艘大船既位置圖（不只是數據），以及區內氣流、氣溫、洋流既走勢，隨時提醒購買其服務的船隻注意風向、洋流。大型油輪、貨輪雖然不會被風吹翻，但為了省油，不時微調航道，以求順風順水。

此外，日本多山、多風雨，容易冧山塌方，電視台報天氣不僅要講大勢，甚至要實時，例如30分鐘前預見的區內風向、強度，提醒山區居民，以防臨時出事。

我唔敢話日劇一定冇作大。但天氣預報要咁細緻，多少反映日人做事既認真、細緻、科學。華人疏鬆好多，所謂大而化之。

《歡迎回來，百音》港人或冇乜耐性睇。但溫馨，很反映日人的生活哲學，更學到嘢，啱我。清原果耶的角色也很可愛。

每套NHK晨間劇都係一個少女成長奮鬥的案例，印象中有真人為本。但唔係中國最愛既學霸、30歲就年入億計既CEO...，而主要係日人口頭禪的“加油”勵志。