211007四晨雲30°C 66%：港式死腦筋

昨晨運天朗氣清，今烏雲密布。預告的風雨提早來臨？原來，過一陣間就復晴。

今晨首先要睇既係北發大計有乜人媽？

新時代下，法基報應該算喺最反映另類意見既媒體。其部分員工分家出嚟既網媒，社會觀更左，但政治上或更接近權威。

若此，睇呢對姐妹，應可大致了解反對的說法。注意：「說法」不等於「實話」。新時代下，真話若出不了口，就要另搵市民可認同的藉口。

本來以爲最強既理由係環保。環保本身有理，但正因為全球適用，慣被政治反對者借來反官商。林鄭如今連濕地都鏟走，逼走啲候鳥，絕對PK！

但或因環保精英入嗮營，媒體改借財經學者的口來針對大計的成本。但年前反對派仍健在、前海仍只有十幾方公里時，林鄭提出用萬億填出「明日大嶼」，俾人媽到暈，呢次話明冇計過成本。

借成本離反對北發，係港式死腦筋。香港由中環遷都北區（好似明朝由南京遷都返上北京）、融入深圳，係由反共基地轉化為愛國都會的政治任務。俾你做黨總書記，蝕本就唔做，由得香港繼續係國家大門外哭喪？

單計錢，北發的確多數會蝕本。但政治無法monetarize，一個政權值幾多錢，點計？好多年前，中國維穩就已貴過國防，而家每年怕係萬億之數。見過近20年香港既反對運動，一次過用萬億改造，一勞永逸，中國肯定好樂意。即使唔夠錢，都咬緊牙關，頂住上。

可能60幾年前，中國外長陳毅就有名言：不要褲子，也要核子！指試爆原子彈。當時據說一些窮鄉山區，四口之家或只有兩條褲，家人要輪流著出去返學、落田。

今天如此富裕，再手緊，也不會吝惜改造香港既使費。你知道中國維持香港國安既開支乜？唔怕講，我唔想知。美國話齋：Don’t ask and don’t tell。費事知道後，對人講漏嘴，洩漏國家機密。

當然，萬億還萬億，使還使，使時要注重成本效益。如何有效地北發，先考特區既本事。公共工程的成本效益的確今非昔比，記得英殖後期多快好省，例如初期起地鐵。但投標價低者得後，效益反而大跌。最近這20幾30年，工程大幅超支延誤成常態，甚至施工疏漏，影響觀感、安全。

這並非要中央補貼，藉機插手把關。但特區這方面的效益確要好好檢討。不排除與港人包括公務員、三行工友工作的質素、心態都有關。

寫得太多，就此打住。