190431日Day23午後雲：病房餐三週不變

老母入院頭尾三日，今可回安老院。我仲要加油。
病房食物難食，應屬病人的共識。以過去三週的經驗，我不會質疑。
病人開飯應該是全院統一的：早七點半，午十一點半，晚五點。比午、晚探病時間大約早半個鐘。
但考慮到1,000人的大鑊飯，要所有病人都能入口(長者可能冇牙)；符合健康準則(均衡飲食，清淡)，還有成本(公院床位每日收費平過住劏房)，恐怕算係咁。
對我這種佔少數的長客來說，真正困擾的是，午晚兩餐三週不變：
飯一碗，我通常食大半；
冇骨的雞肉或豬肉一碟，以雞居多，有時配的雲耳、冬菇、洋蔥、唔辣既椒，味道尚可。我通常食嗮的配菜，剩番的肉；
碎菜一碟，雖然有的油，但味道與烚（saap ）差唔多。我通常食一半。
中午有湯，本是我唯一可食嗮既餸。無奈鈉低，限飲水，湯被 cut ，變成冇選擇。
但以上的餐單連食三個禮拜，每日兩餐，鮑魚都變雞肋。入院至今，每餐最多食一半。
另一半靠家人帶來的湯和生果。
但只要能及早康復，病房餐難食小事矣。