190325一Day 17午後：十劃未有一撇

今晨醫生巡房後，有著便服既年輕女子入房。一愕，夠鐘探病了咩？病房既鐘，仲未夠十點。
原來，星期五入離即日做手術既呢位同房， 週一上午已走得，頭尾都只係四日。中午我地捱醫院餐之時，女士陪著，佢左右各撐住一支拐杖，走了。
當然，佢冇骨折咁嚴重，同樣重要的是，大概三四十歲，同房的都係長者。但4日就出院，在骨科病房份屬例外。羨煞！
今朝聽醫生口氣，我十劃未有一撇，雖已臥床17日。唯有祈禱，bless 我，也bless 醫生。