190322五Day14晨：Night'mare'

晚飯後，通知我情況穩定，可換房。由兩週來已熟悉的「居所」，病房阿哥、阿姐都成了街坊的環境，遷往陌生的新居，頓時了解到新聞裡舊區拆遷戶的心情。
新房病床數相同，設備不覺有別。但病人應屬術後復原階段，走廊較靜，或人手較少。
唔講唔中，當晚，先是我...。接著照例訓唔著，半夜偶然睇機：
「x醫院主座大樓凌晨，有病人破窗躍下...」
接著，夜闌人靜，攤係床上眼光光之際，突有同房開始大聲呼喊，沙啞地反覆嗌「喂...救命....打999啦....」聲大到怕整個ward ，相鄰幾個6人房都清晰可聞。
嗌咗怕有一個鐘。同房最後都忍唔住叫佢收聲。兩個護士入離也勸唔掂，只好連人帶床推出房，大概放在走廊，總算收聲。
此人怕唔係第一次，全ward 都識佢。
想起戲裡監倉的深夜。