190326二Day18夜：衷心的「唔該嗮」

睇日劇，日人初次見面、上工...，先自報姓名，接著鞠躬說，「還望多多照顧/指教/包涵」。
求婚也如是。接受的話，通常是女的，即時向愛侶鞠躬，「請你多多包涵」，代替西方的「I do!」
有男子上門提親也如是。接受的話，一家之主在榻榻米上站起來，朝對方鞠躬「多多包涵」。意指佢今後就交俾你啦！好好錫佢呀！
否則就不起身，繼續端坐，後退一步，沉著臉欠身。最多是說「抱歉」。
反過來，辭工或分手...，只要不是撕破臉，會鞠躬說，「承蒙照顧了。」
港人或覺得無聊虛偽。的確，日人肯定也有苦於慣例，不得不講的成分。但我仍覺得，好過雙方都把彼此的關係視為理所當然：你返工收水，我準時出糧；我有路就走，冇拖冇欠；你同我結婚，在家在外各司其職；你我情分已盡，再見開展新生活。正常不過，多一句都嗮氣。
這以現代觀看冇錯。但人在現實中互相依存，絕少一個完全靠另一個生活，除了殘疾。對身邊的人，由家人到工人，不妨俾多個Like。日常睇視頻都隨時三四個Like，對真正幫自己既人反而咁慳？

臥床18日，唔落得地，坐直都唔得。雖然做得既仍盡可能自己做，但抹洗、換片、換衫...無不靠護士、病房助理，對此感受尤深。這是他們受薪的工作，有指引規定。但除咗本分，落多一分心，病人都得益。錢買唔到既。
有時望護士、阿姐入房巡，望到頸長，一見到就安心。即使唔係幫我，都覺得放心。如果離幫我，除咗聽指示合作，每次都衷心講一句「唔該嗮( 姑娘、阿姐/哥) ！」