190329五Day 21晚：想起同房阿叔

入院21日。中途換房。
此前在同層另一個骨科病房。同房斜對面既阿叔工傷頸椎(脊椎的頸部段)，手痛，帶頸箍，等做手術。
阿叔比我早一日入，到我搬房仲等緊，期間不止一次推遲日期。
這才知，脊椎手術遠比一般骨科複雜。脊椎中空，包住大束神經。手術可能不僅是骨科醫生，還要有神經科醫生，大陣仗好多。
僅有的空檔又可能要先做突發緊急的病例。我同房的阿叔就要等空檔。每日清晨醫生巡房，就望係今日。我與他只好不時彼此打氣。
我鼓勵阿叔，讚他家庭幸福。太太每日送午飯來，單程要個半鐘，事後仲要番工。傍晚兒女輪流來，同阿爸有傾有講。個女仲每晚致電屋企，讓孫女透過視頻為公公打氣。我話，買唔到既福氣呀！阿叔說，出院去飲茶。
我搬房應有十日。阿叔應已做了手術。祝早日康復！
阿叔六十出頭。仔女早就勸阿爸唔好做。但阿叔做慣，唔想賦閒，怕更唔想要仔女俾零用。有工照開。經此一劫，話唔定正好下定決心，含飴弄孫。
阿叔客家人，做建築，拜觀音。
Bless you.