190323六Day 15午後陰：宅老的傳說

久違的朋友昨驚喜來訪。來自十八區的另一頭，單程唔只一個鐘。除咗感激，想唔到仲可以點講。
多年未見，問我呢幾年去咗邊。一直係香港囉，睇書、睇戲、世界史...。
至此才醒覺，自己近年成了宅老。原因八成係想用餘生學嘢，兩成限於住處的交通，有事才落街。
不料「失踪」了幾年，有人以為我移咗民，因為發覺了自己的身世。
其實我既身世，湊我既工人幾歲就偷偷講咗俾我知，並非成年後才發現，但知道也未改變我與父親的關係。
父親當我親子養大我，冇佢冇我。我也只有一個父親。至於哎吔，嗮氣啦！
當然更不可能因血緣而移民。就算對方肯收，我唔識聽，唔識講，三唔識七。家人都在香港。呢個年紀一個人移民他鄉，博上電視？
有的人愛尋根。國人也有不少追尋自己阿爺大個條村甚至個間屋。我在這方面同意美國人：係邊度大，語言、社會環境、友朋關係、教育方式決定你係邊度人。
血緣對個人既影響肯定唔夠1%。問美國黑人有幾非洲就知。因此，對我來說，在美國長大的華人二代90%係美國人，華人成分只限於父母的身教和中餐。
當然，可以理解， 美華有成就時，華人尤其父母都好自豪係中華既成就。你如果話佢係美國人，言下之意，主要係美國環境之功，揚美抑華，惱爆。
生物學上，不同的人種只相當於一種動物/植物的變種，例如白馬、黑馬、斑馬，蒙古馬，....。不像馬與牛，楚河漢界，不可能由一種變另一種。
若此，人成長的環境才是決定性的。否則，港人就唔使為子女，移民英美加澳紐啦。但反過來，代價是子女可能變成95%的當地人，唔好奢望兼有中華傳統。
總之，我唔信血緣、種族決定人。並非liberal ，而是基於觀察、實證。舉個例，美國黑人的問題是美國造成的，與非洲無關。
若此，我出生成長家人都在中華地帶，冇得揀。我心安理得。
要移民，輪到有親人又熟悉的美國都未輪到血緣。