190327三Day19午後：遇到一個好好的阿姐

臥床第19日。雖未准落床，但床頭升高的角度由30度放寬到60度，食飯較方便，初見有進展。
這兩天也遇到一個好好既阿姐。係走廊路經我房門時，我若咁啱要人幫，佢見有人揚手(注)，每次都好爽手。

剛剛就因為入院以來，第一次跌手機落地，麻煩阿姐入房，做分外既事。她執起後說，放係枱穩陣的，放係床頭，升高床時易跣走。
她離去前，我照例對每個埋離幫我既人，衷心地講「唔該」。佢就話，「唔使咁客氣。」語氣誠懇，感覺上敬業，唔係只求本分。
阿姐看來明白臥床之苦，不介意伸手。咁就已好難得。
阿姐，我承蒙你照顧了。希望你工作、生活愉快，獲得賞識。上天保佑。
注：我入院至今未按過床頭鐘，以免護士擔心趕來，其實只是臥床時手腳受限，有些生活小事要麻煩人。