Trump終於平靜地走了。我此前猜他會組黨，原來並非無中生有。你可以恨他，但不能忽視他。看他臨別贈言，死都講番生，神色自如，有感染力。除非能藉政治程序排除他參政的可能，否則4年後仍不能忽視。他即使自己回不來，仍可捧代言人。我猜Pence和Ivanka Trump會有意出選。
Biden/Harris港明凌晨就職。首都荷槍實彈，戒備森嚴，過程應可望順利完成。接着即日起爲Trump過去的4年撥亂反正。Trump用行政命令逐一推翻Obama的左傾政策，如今Biden又用行政命令逐一推翻Trump的右傾做法，恢復Obama的。
這可能是美式民主很文明、很法治，但也很無奈的practice。3億人有得揀，但就像買衫，一係黑，一係白。你想顏色溫和的，灰灰地，藍藍地？唔好意思，你係美國人，我地美國SuperMart係你既專門店，只此一間，別無分店。
社會分化至此，唔喺左就喺右，冇法子在兩端之間謀求兩派都能勉強接納，下任無須再如此否決來否決去的政策。分化不解，政治永遠在這兩端之間反覆，大多數選民其實冇得揀。
看Biden離開家鄉Delaware去DC前的演說，此人應該是君子。希望今後4年健康夠精力，能清醒地順利完成任期。祝美國好運！
1 則留言:
如果世界重光，侵侵應記一功，但佢做錯事亦理應受罰。
張貼留言