210114四晚15°C 64%：最終怕係要滴水不漏

國安法步步收緊。按過去半年的效率，到6月底生效周年，反對者恐怕已插針唔入。

若此，日前對路透社放風，話要「徹底改變香港政制」，可信是封殺黃民參政之路。延遲預訂9月的立會選舉只是行政需要。關鍵是，此後公職人員、各級議員、各種選委，公營機構的董事和CEO、重要行會的理事…都不再會有這類人。

普通黃民應可照常工作、生活，但會受到密切的關注，確保其不沾手政治和輿論。黃民裏的名流連專業工作怕都受限，晉升就更難。

至於排除港人的雙重國籍，目的是確保政制純華性。最終可能不再有西方人任公職。西人大狀可出庭，但不能判案。

當然，這純屬我估，毫無根據。你的預見好可能叻過我。但我估，上面以70年的治國經驗，加上開放改革40年走出去，對國際尤其是西方的了解，應付從未經歷大動盪因而理想但幼嫩的港人，綽綽有餘。反對者打一開始就自以爲是，蔑視對手，最終害苦了自己。

今又拘捕了11名據說協助12走青者。由此看，黃鳥2.0沾過手的人數怕過百。以犯罪學看，過程中沾手的人越多，越易走光。我睇刑偵劇，只要hack入網絡其中一人的手機，就幾乎網嗮全team人。當初班靚想走，怕faak散嗮搵路。話唔定一開始就已被gup住，只係詐唔知，任你舞，以便一網打盡。

今後千祈唔好再試。

至於話港警將被捕者的手機、電腦「送中」解密，反對者以爲捉到痛腳。但港警本身亦係中國警察，請上面既同事幫手拆解證物，港人有乜可e？好心啦！搵的真正既話題。靜識得吹毛求疵，太冇出息。