210128四晚18°C 55%：也是法奴

確診大幅回落到38，但無厘頭佔一半。至少要睇一個禮拜先可作準。

據港大調查，願打疫苗的市民，過去2個月由六成三跌到四成六。我估，因爲美歐開打後，功效無人知，副作用傳千里。港人精過鬼，要到美歐確診大減，顯示疫苗at work，才肯上轎。

至於越老越願打，完全正常。長者肯打就好；後生免疫力強，不妨由得他們去。遊說他們，反會懷疑你別有用心。他們從小只有西方觀念，自我、反建制，慣從壞裏想。對於青壯年，唯一的leverage係旅行權：唔打冇得去日本、英國，好自爲之。

有澳洲智囊爲全球100個國與區抗疫排名，頭3名是紐、台、越。但中國缺資料，未能評分。的確，中國的抗疫力獨一無二，其他國家學不來，因爲冇法子咁控制社會。

由前年的清真寺恐襲到疫情，紐西蘭的後生女總理在一衆國家首腦裏，高唔止一班。溫情和果斷恰如其份。去年只要有個別確診就立即封城。但一壓下疫情就又放開，恢復自由和經濟，收放有致。

難得的是，紐西蘭係西方國家，白人爲主，竟如此服膺。試看歐美社會，活動一受限就嗷嗷聲，甚至以騷亂來回應，充分暴露了西式自由病態的一面。

至於引入未有第三期臨牀數據的國藥疫苗，以防科興甩底，有行政會大狀主張繞過醫學專家，強行落實。又係法奴之弊。只不過以往的奴是港人借英式法律來抗共，這次的奴是中式法家/rule by law。但藉行政力量來達到強制的目的，對民情的衝擊怕衰過疫情，即便能抗疫也得不償失。

我贊成引入國藥。冇科學數據就只能退而思其次，從Thomas Paine所謂的“常識”出發：中方敢讓香港人大、政協打，肯定很有把握。其中若有人有嚴重的反應，唔可能冇人知。

除非你相信：國藥疫苗有兩類，港人大、政協打既係權貴版，厲害好多；內地一般人打既是平民版，弱好多。供港只可能係平民版。

國藥唔對國際公開數據，我估係出於中共的慣性：唔俾外人知道研發的機密，無論是出於科學還是商業。

內地乜都係機密。我1975年十一坐包機隨團上京。飛機降落後，係停機坪想同其中一個團友係飛機前拍照留念，都俾個持槍看守既解放軍喝止。國家請我地北上觀禮，唔明點解唔可以影自己坐既飛機！但上面就係咁神奇。我一笑置之，費事問點解唔可以影。換咗今日既港人，就如捉到痛腳，甚至抗議…。