201210四晚21°C 84%：冇得揀，你唔喺老闆！

確診約增10%，無厘頭更突破1/3。但真正麻煩既係，人口高密既東九龍多個屋邨中招。抗疫欽差巡視後，不排除有私人屋邨重蹈SARS的淘大覆轍。

我擒晚話疫情兩睇。如今看，八成睇淡。何況建制話，有留學生已提早回歸。若此，未來一周爆個留學群組非冇可能。

英國開始打有效率95%的Pfizer(美)-BioNTech(德)合製疫苗。但有個別人士有副作用。且看美國幾日後開打的反應。

英、美搶先。但中國也唔執輸，宣布國產疫苗1.頭100萬支運抵印尼；2.獲阿聯酋批准上市。

但“上市”是話診所、醫院、藥房有供應？若此，不怕有人拿到國際上炒賣？

中國疫苗顯然想利用穆斯林與西方傾唔埋，搶佔中東、北非、中亞到東南亞的10億人市場，弘揚國威、爭取支持，抗衡西方的圍堵。

至於香港，有專家話：港欠缺低溫設備儲運Pfizer-BioNTech和Moderna(美國)的新式疫苗，只能求諸中、俄、牛津。但牛津貨聽講只有70+%功效，俄羅斯貨在港冇品牌（除咗魚子醬），港人似乎冇得揀。借用梁大狀昔日競選特首既口號：冇得揀，你唔喺老闆！

中國貨，唔怕講，我唔係咁怕。但過去個年，上面不時爲疫苗報喜，聽來確係似賣藥。最早好似話3月就有人打咗，冇問題咁話。如果3月就有疫苗，過去呢9個月，14億同胞應打咗大半啦。但由於未聞有統計，世人只當美英德最先進。咁又怪唔得中國無論點做，在國際上都顯得孤立。