201207一晨20°C 63%：港府優良傳統慢半拍

大報頭版頭〈屋邨一層12確診 派樽不強檢〉。使乜專家，係人都知：〈自願檢測難阻疫〉。（原文係新港文：〈自願檢測難阻疫擴〉）。

特區抗疫，我最多俾5分。唔能夠話唔作爲，但港英留下的華官傳統，非必要不做，凡事慢半拍。根源在：1. 信港人醒目，自己會執生。2. 公務員薪高糧準，工作一般輕鬆，不怕無功，最怕有過。多定規矩，辛苦自己，同事也嫌煩。3. 人權泛濫後，市民刁鑽，社運惡過官，執正離做，隨時被投訴。何必攞苦離辛？

其間還有官員個人的問題。港官與澳官談疫苗就高下立見。人口只及我地一個大區，薪水遠低過我地，人才照理不及。以下的一番話見於幾日前：

澳門衛生局長李展潤對立法會說，全球研製的新冠疫苗均未通過第3期臨牀試驗，暫只能緊急使用，相信只會為前線人員或需到外地的人接種。澳府洽購的140萬劑滅活疫苗料明年上半年送到；核糖核酸疫苗暫未有到貨日期；病毒載體疫苗估計要明年下半年才供應澳門。3種疫苗選擇哪一種接種，到時會向市民宣傳，由市民決定。

全段145個字，all facts，一清二楚，冇廢話、官話。而且唔收錢、由市民自選。我地既counterpart ng-ng-or-or，講咗一大輪，實質的內容可能唔夠對方三分一。

Sure win? 〈美眾院今表決「庇護港人」法案〉

趁你「病」，超你班：《環時》年尾請專家班展望來年 料經濟增幅超8%(MP)。趁疫超美可信係國策。

上綱上線：港青guru宏論〈1959西藏vs.2019香港〉入國教。港人冇咁勁係嘛？個時藏人出槍，中央出兵，神人出走，鄰國蔭庇。港去年一冇槍二冇兵三冇神人四冇鄰邦蔭庇。隔鄰反而有足以虹吸/siphon港的大灣區。

〈駐古巴中國官員腦傷 美報告指向微波攻擊〉：古巴唔喺社會主義國家咩，連自己friend既中國外交官都搞？原來，前一句其實係：美國〈駐古巴&中國的官員〉。不如將第二句個「美」字調離前邊啦：〈美駐古巴中國官員〉。