第四波第4次過百，九成本土，無厘頭繼續佔三成。睇多幾日先知睇show組會否接跳舞組力。
靚仔前議員果然係鏡頭前現身倫敦。在位時最叻既係背後攬女官搶手機攞料，於今則是走得醒。預祝靚仔與家人merry Christmas.呢個聖誕話唔定Peter Pan會係chimney落離，賀他與家人得以呼吸自由的空氣。
清晨起身check手機，收到紐約華文報館時期在港同工的訊息，另一個在港的同工中風住院。當時新聞部只有十個八個人，全男班，清晨5-6點開工，午膳時間收工。頭三個鐘，飲水都冇時間。這次出事的同工做事很負責，很好相處。放工後，不時一齊去香港超羣係唐人街開既同名餅鋪飲杯茶食件餅，當時係最平既消費，一個人唔使一蚊美金，因爲慳番花利（台山華僑俗語：貼士）。
後來，我最先回港。呢位同工大概遲幾年，計起也有20多年了。在港幾年見一次。但這次來得太突然，念咗好耐都唔知點反應。因爲，在港每次見佢 都同紐約時一樣，幾乎唔覺老，而家怕最多係‘登陸’。但現在除咗爲佢祝願，只感到人生的無常。
由此想起一位朋友送我的《聖經.雅各書4:14-15》：
其實明天如何，你們還不知道。你們的生命是甚麼呢？你們原來是一片雲霧，出現少時就不見了。
你們只當說：「主若願意，我們就可以活着，也可以做這事，或做那事。」
我很同意。但現代觀念的朋友會覺得太冇自主性。以美國人的哲學，Keep fighting. Never give up. There is always hope. I am my boss. I own my body.
我會用前三句爲這位同工祈禱。但會同時交給上主，求祂眷顧。
沒有留言:
張貼留言