201202三晚20°C 65%：氣氛好緊張

專家連日警告第四波惡化，氣氛又趨緊張。我估錯，捱啦！

好在疫苗報喜：英美本月醫護、安老就開打，明春照理可普及。香港或遲半年，希望在明秋。但打國產應可提早一季。若此，香港一年後應大致可恢復正常。旅遊預訂明年聖誕啦。

當局說初步計劃全民免費。我以爲這應該是常識，唔喺功績。疫情已拖了一年，政府既損失難以估量。萬一癱瘓全港，連內地都拖累埋。市民願意打，係政府既福氣。仲要俾錢，有冇腦架？

就疫情的源頭，最新的發布對中國有辣有唔辣。

唔辣既係：美國CDC發現，美國去年12月中就有人感染，早過武漢去年底初次公布疫情。若此，武漢並非美國疫情的禍首。

辣既係：CNN獲得武漢去年底的密件，明言對外壓低疫情數據。有人由此聯想，當局也推遲公布爆疫的時間，將秋天說成冬天…。

說到底，有關中方的責任，就像美國大選點票，兩端的說法都有，就看你信誰。但客觀上，近年世人信西唔信中，中國很吃癟。

政治上，黃毛小子再次判刑，處之泰然。但同案的靚女手足初次入獄，痛哭失聲。老毛話齋，今後半年把壞事變成好事吧。Good luck！