今天疫情冇大起落。在目前的社會氣氛下，正好藉機突出走佬前議員全家戶口被凍結，質疑此舉‘無法無天’。
有大狀話，事主並未被國安法起訴，單單棄保潛逃未聞會凍結戶口。但有人話，事主曾經手營救手足籌得的款項，可以用洗錢的指控來凍結戶口。
我唔識法律，但凍結戶口直覺上係正常既反應：你全家走嗮，我拉你唔番，唯有切割。你做初一，我做十五。
好在，寫本文期間，港媒引述事主說，家人戶口已完全解凍，並已即時轉走所有資金。個人的戶口也部分解凍。
未解凍部分，可能就是上述的涉事資金。
總之，好事。毛主席話齋，天要下雨，娘要嫁人，由得他去吧。後來者當引以爲戒。
今冬預料會凍過常年，但同期內，全世界都因爲搶疫苗，周身㷫。各國和各大藥廠現正在幕後鬥錢鬥力。研發疫苗最近磅的美、英、中、俄…都趕住出貨、搶先應用，用廣惠天下來領導世界。中、俄尤其想藉疫苗建立國家的品牌，打破西方的信譽壟斷。
唔怕講，好希望中國既疫苗安全、功效長、用法簡單、廉宜、供應充裕。MiC只要做得到，相信港人也不一定非要打MiU不可。但如果中國疫苗靠半賣半送，博的兄弟邦Like，港人唔會吼假。
由於冇乜嘢俾疫苗更搶手，執法當局預告：社團、黑客，…都想截胡、賣假嘢、濫竽充數。到時係城鄉間運送疫苗，怕要出動武警。無疫既旅行、搵工證明肯定有人做假。內地既不法分子相信已摩拳擦掌。
但疫苗今冬輪唔到香港。港人可見將來最hot既，係BNO。今後一年或有幾十萬人新領/更新，十幾二十萬人去英國land，讀書、就業、暫住…，總之，留得落就唔番啦！
我從未係英國住過，好想住下，同美國作一比較，與政治無關。看城鄉布局、人文氣氛、歷史…，直覺上會鍾意過美國。但人又老，錢又冇，更冇BNO。You enjoy.
沒有留言:
張貼留言