今日既問題不在確診再破百，而係跳舞組爆到近尾聲，又殺出個睇show組。幾千人排排坐兩三個鐘，疫情點傳，呢一代既AI怕都計唔到。
但政情應該爆得八八九九，剩下的費時既庭訊。黑衣大學生墮樓案，我laap過標題就算。今首次有片睇，好多人寄望真相大白。
由此想起今冬我最愛的日劇《法醫朝顏2》，昨天update第5集。戲裡有男子暴風雨中死在室內，大字形咁仰天平躺地上。一扇窗被吹lum，打在身上，全身chaam滿玻璃，應屬意外。但主角之一的警官時任三郎注意到死者左胸既傷口都幾大，也許覺得冇咁啱，碎玻璃剛好插正心口？建議解剖。不止此，更將滿地既玻璃碎逐一收集，像拼圖那樣還原玻璃窗的原形。看是否有碎片missing，而且形狀與心口的傷口吻合。
果然，最後發覺少咗一塊錐形碎玻璃，尖角與心口傷口吻合…，應屬他殺。
睇法醫日劇，印象最深的是：鑑別1.死亡的時間，大約準確到2個小時內；2.自然死亡vs自殺vs他殺。有時看屍體上的痕跡和反應，可區分致命的創傷是死前還是死後造成。若係死後造成，則可能是他殺後，兇手刻意留下致命的創傷，令人錯以爲自殺。
英劇有一套做咗20幾年既《Silent Witness》，香港電視好似都做過法醫。現實是否也真派用場？
沒有留言:
張貼留言