確診在~20徘徊了~10日後，首次跌到個位數。鬆綁、開關、港碼...壓力飆升不特已，全民檢測登記明起看跌，後日怕更有已登記者no show.
日前有人話9成人會受檢。今Bo大話2成啫。聽來較似樣。
上周荒博幾日。期間林鄭公開鬧醫護唔俾面全民檢測；去年白派7.21大騷既對方阿頭被告埋一份；接住就係Ocean 12，...今更有標題quote律政司：〈法官也會錯〉。Bye-, HK sacred cow!
好戲連場。居家反正無聊，不如上網估what/who’s next。
其中怕最難明既係告埋黑方。一年以來，怕八成市民由事發當時睇視頻直到今日，都以爲「黑白對錯」分明。期間黑即便有出手，但古時話先撩爲賤，人地地頭，人地主導，黑方最多都只係自衛。正如前媒體人問：否則又點會主動報警？
想得出黑白同源、公平對待，認真夠創意。
至於Ocean 12，消息曝光翌日，建制報就獨家報道當晚事發經過。但事涉大案，爲免後人得益，權威的放料者必略去某些關鍵。
據報道，此12人前往西貢布袋澳途中，就已被發覺。但上船前未及拉人，遂通知上面，以致未離開中國水域就被截。愛國大導爲此拍攝視頻，親自演出以振國威。
左報指老牧師策劃偷渡，或來自六四黃鳥事件的聯想。但31年前之黃鳥與今之黃絲差天同地。當年台前幕後，連揸大飛既都死愛國。今日無論偷渡既定安排既，死都唔愛。
我又信呢次唔關老牧師事。官司纏身加上國安法，早就俾人𥄫實。郁親都通嗮天，自投羅網咩？
兵家對壘，心戰在所難免。但好心用的腦，唔好當人白癡。
當然，班反骨仔女成長於溫室，也怒大腦小，勇多謀缺。係街同綠衫鬥過幾次，就當正係法國大革命、美軍浴血係硫磺島插旗，自大到堪比特朗普。
沒有留言:
張貼留言