200814五深夜29°C 81%：Let's see if we could「賀」 錦麗女士

   確診再度在~70與~50之間gyrate。只能說由70飆升的機會不大。但導致gyrate偶發因素多，難說疫情放緩。

   真正可喜的是不明源頭由過去一周十日~50%急降到9/46~20%。不明源頭減，則傳播風險和追蹤難度也相應減。反過來說，疫情爆發的uncertainty減，管控的certainty增。這比確診數下降更重要。

   此前忘了講人大的決定。我估：讓4 DQ做埋來年早已內定，但留俾林鄭去講，讓佢攞分。

   因爲，4 DQ即便留低，建制也夠票。讓佢地嘈多年，以示上邊有氣量，國安冇咁恐怖，也令泛民22人籮籮攣：接受‘嗟來之食’定棄守立會？市民會點諗？

   但明年立選怕唔會輕易放生泛民。今後一年，國安會出盡可用的法律，令很多泛民唔qualify出選。正如黎智英主要衰國安，但十字架揼釘時，加多口地契違約的釘。你有乜漏洞，國安收嗮料。

   Biden終於決定拍牙買加+印度裔的55歲加州灣區左派前律政司Kamala Harris出戰特朗普。我估，呢個女仲惡過同樣係加州灣區出身既衆議院女議長，同惡到死既Trump有得揮。

   早年係灣區競選，請華人起咗個中文名「賀錦麗」。民主黨呢個係傳統精英（溫和派）同進步平民（左派）既配搭。兩人互補係好事，但要看黨內有幾實際。最怕係進步派教條，嫌Biden老，唔夠平民、先進。

   全黨團結一致，號召冇黨派的主流選民，贏面至少有六成。但若唔肯妥協，不排除會放生阿Trump。

   歷經4年前俾惡人爆世紀大冷的慘痛教訓，美國左派應該心裡有數。