今已兩博。但拉黎智英和家人、左右手爲國安法祭旗，還須留個記錄。
67年暴動期間，港英也拉過文匯、大公社長、老總。但當時左派搞文革式鬥爭、當街擺土製炸彈、監生燒死日日係商台鬧左仔既林彬...，拉左仔怕有八成人叫好。而家也有好多人憎黎智英，但爲拉佢叫好既有冇三成？
今晨百計軍裝操上壹仔大樓，在辦公樓層的通道裏左盼右顧，勒令停工....勁過日劇常見的執法人員突擊搜查懷疑貪腐做假的大企業（最新的一幕係《半澤直樹2》裏奸角帶頭搜查半澤主管的證券投資部，但被後者搶先一步銷燬證據）。
港、日人員搜查時同樣咁惡。日本隊一踏入辦公樓層就大喝：所有人放低手頭既嘢，行埋窗口。期間唔准傾偈、用手機，怕係understood。
但香港更威。睇日劇，通常係警方（對付白領犯罪的搜查二課）或國稅局上門，一律黑西裝。即便係國安部（日文稱「公安/kuo-aan」），同樣西裝筆挺，但或者貼身有槍。從未見軍裝上大機構拉人。但國有所好，港出軍裝震懾通敵、賣國...之人，又可以理解，至少俾Trump/Pomeo睇下（冇印象荷里活影視執法人員搜查辦公室的場面）。
睇國安法條文，肥佬恐怕都幾濕滯。但舊年年中起反修例，到而家已搞咗唔止一年。近月形勢急轉直下，相信佢都預咗。今天甚至有港方代言人話：當局爲防外力，「不惜代價」。怕只能放長離睇。
接住係人都會諗：Who’s next?月前藍營傳過99/100人既名單。且看拉人的次序跟得幾足。
晚了，要早起晨運，離唔切講西方如何反應。西媒勁炒理所當然。但中西早已撕破臉，炒新聞已冇作用，要看是否有嘢入肉。Pompeo相信12小時內會開口。
沒有留言:
張貼留言