200810一午後32°C 73%：全民檢疫都幾係嘢

    謝留言。說董船主對海員免檢有貢獻，有可能。同理，一次過撤嗮對食肆的限制，尊貴的行內大佬相信也出咗力。
    回到疫情：
    08.10：確診停留在~70上下，源頭不明仍在22/67~33%徘徊。與昨一樣：今後睇跌多過睇升。希望我言中。
   獲委全民檢疫的３華企預算開足24小時，14天可測600萬人，亦即日均43萬，每間華企日均14萬+。
   我非專家，但憑常理，檢疫分外、內兩part：先向市民收集樣本；然後送往化驗。內part係硬嘢，只要內地出夠人手、分析劑、儀器，絕對做得到。
   難既係每日收集43萬人的唾液/鼻液樣本。假設18區分設43個站，每個站日收1萬個。但化驗室可24小時開工，收集站最多朝八晚八（平均每區2.4個收集站，相距都幾遠，唔通要的婦孺老弱天黑後，搭車離交料咩？），每個鐘要收成千個，大約3秒1個。
   試想，每個樣本要當面check身份證、地址（？），問過收集樣本既過程，確保合宜，然後打字出label，貼係樣本上，怕要成分鐘先完工。若此，每個站要有3-4個檔口，先能確保每個鐘收1千。否則，市民等交樣本等到傻，到時又complain。
   做好後面呢個工程都唔簡單。