200820四晚29°C 86%：Sense and sensibility

   本來習慣晚飯後上博。昨晚臨時有事。今晚亦然。但趕在休息前，寫幾個字。

   確診接連3天<40。今更跌到18,未明源頭~30%。我估跟住個一周十日既機率係升3:跌7。但今日既低位怕真係因爲昨打風，少人檢測、報數，要睇多2日。

   鬆綁的壓力即時大增：大衆會又再hea，商界逼復業，民粹催派錢。至此，明知會爆第四波，也只能順應。但可打個折扣，吸收第三波的教訓。

   羣體抗疫係科學（理性sense，傳播力、殺傷力）vs政治（感性sensibility，羣衆承受力、政府執行力、經濟實力）的角力，只有玩precarious 的平衡、求取closest approximation to the public welfare，冇絕對正確可言。任何人都能找到理由媽。

   科學家要明白：而家人權無上，750萬人唔係實驗室裏任你舞甚至殺的7.5億粒病毒/細菌。政府受掣肘，某個程度上要買羣衆怕。

   除非係北韓，或者有內地咁既強制力，邊個屋邨有case就封邊個，唔俾出入。