200823日晚30°C 78%：親近大自然

   今天的疫情與擒日幾乎一樣。Confirmed=25，其中Local=19，Unknown=8~30%。確證舒緩。本周（以星期日爲一周第一日計算）如無意外，L、U可望再降一級。

   但港媒報道不應照搬英文。用單位數尚可。雙位數由11到99，差天同地。750萬人若每日99宗，按人口比例，嚴重過南韓4,500萬人每日300單。南韓反應好快，已經要再次lockdown。

   我地不妨以10爲單位，人地用1-4級來區分毒性，我地既疫情每30個case升一級。0-30 I級，31-60 II級，61-90 III級...。去到IV怕就要考慮lockdown。

   今晨早起。或因此，見到久違的一group三隻黃冠白鸚鵡。鸚鵡扭頭擰髻好cute，但叫聲chaak，冇其他鳥好聽。

   近月幾乎每日晨運，邊做邊望太陽、留意各種鳥的形態。常見的有4種，白鸚鵡、身長大概20cm的褐色鳥（我從小係城市人，冇乜自然界常識，動植物幾乎一概唔識。到此年紀，也懶得再學）、黑烏鴉、褐色的麻雀。其中以褐色鳥最唔怕人。我想，抓一把粟，這種鳥怕會過來，從人手裡吃（當然要戴手套）。

    更巧的是，大約9-10am，首次有蜜蜂飛入屋，大概因爲我開咗一線窗。最接近時，停在我正在看新聞的平板上。我唔敢郁，因爲離我不過1.5呎，怕其受驚來針我。等咗一陣，趁其在室內繞圈，輕輕將窗推開多的，希望其搵到出路，番去大自然搵食。我個房冇花俾你採蜜架！