200820四晨29°C 83%：來去如「風」

    一早起來，「實時」頂上係〈特朗普：黎智英是勇敢的人　向他送上最好的祝福〉。可惜他不是天主，連Papa都不是，否則黎智英就冇死。但莫怪，他正急於自救，手裡即便有Trump card，也要留俾Biden。但話說回來，大美國總統講到呢個地步，精神力量多少係有既。肥佬仍可苦中作樂。

   歐聯拜仁昨晚半夜3:0大勝里昂，賽果正常。如果決賽鬥PSG，怕都要捱夜，上網搵下窿路。拜仁effective，PSG則可能靚的。但打波除咗技術、配搭、戰術等基本因素，好講氣場，隨時可以成爲決定性因素。我會望PSG贏。But who knows.

    今年唔知係唔係疫情作怪，歐聯和歐霸一向最賣錢的英超、西甲、意甲罕見地四強止步，球王美斯、C朗盡被淘汰（美斯輸8:2可能係今生之最），德甲、法甲二奶升大婆（x這句話政治不正確，齊人的豪門尤其顧忌）。值得一記。

    擒日既風名副其實來去如「風」，來得快去得快，風過後復工更快。昨上午睇新聞話下午復工，已心裡有數：百萬人係屋企食完晏趕番工，5點過後又要趕放工，可能實番3個鐘，逼車3個鐘，增加播疫風險。疫情至今7個月，怕都荒廢咗幾百個鐘，唔至在放埋個晏晝啦！