190429一=39+13晚：初次複診

出院後初次複診。
鬧鐘起床。0830到醫院，先照X光，0900過後完成。然後上9樓日間治療部。原來我個case，出院後初次複診不同一般複診在樓下，當入院1天收費。
約1130入醫生房。不是住院時每朝巡我床的女醫生。
說：X光OK。有冇乜問題？
答：腰左邊痛；住院時有過尿道炎，回家後復發，食屋企剩落既抗生素，舒緩咗，而家小便到尾熾熱。但食唔夠一周，唔知會唔會復發？
說：呢度係骨科，唔係醫尿道炎。飲多的水，保持小便暢通...。你要既話可寫紙睇門診、泌尿科。
答：哦，咁又唔使！
(呢位醫生唔係住院時跟我 case 既，或者冇諗到我鈉低，俾醫生限飲水。院方到我出院都冇話，鈉係唔係回復正常。我唔知答案， 又點咁放手飲水？
但我個 file 成寸厚，臨時派俾呢位醫生，邊睇得嗮呀！有AI 係幾秒鐘內睇嗮我個case，用三句話講俾佢聽就好啦！ )
問：想唔想做下物理治療？
巴不得啦，我 up 頭多謝退出。頭尾約3-4分鐘。
下次6月中複診回復正常：一樓大房，收費如一般複診。

物理治療既女主管竟然記得我個名。見我撐住四腳架，話你住院時可以用stick行...？善意的批評，我恍然大悟：用架行，上身前傾，不利腰傷。我話，以為用架穩陣的。
治療師說，你出院反而好似退步咗，面色唔係幾好。要食番多的嘢，大步行，好似平常行路咁。
我的了解是：你出事前行路係正常既。而家要行番平時咁，練番的肌肉，唔係行傷殘人士既碎步。
接著安排我坐上好似gym既單車機。發覺左腳踩到盡會痛，只能 就住，踩咗5分鐘。
接著第二個運動：左右腳輪流上落踏板，當行樓梯。
最後，職業治療師與我重溫起居的細節，例如扶床邊起床。
好感激呢位C 姑娘，5*。但下次見唔到佢囉。Best wishes。

在日間治療部兩個幾鐘，路過的醫生何止十位，各有特色。
有一位男Dr，住院時負責我鄰床既case。今天又見佢。笑容可掬，語氣誠懇，鼓勵複診者：「冇事架！」佢既病人好有福。

複診完已中午，索性去醫院飯堂，家人少張羅一餐。
出事近兩個月，第一次光顧食肆。晨早趕複診，冇嘢落肚。飯堂既豉椒肉片炒河竟然食到一半，好耐都冇咁叻。C姑娘，我做到啦！