190413六Day36夜：病房的大半邊天

病房裡，護士和阿姐點止頂半邊天。連每日朝早巡房的醫生也多是女的。
冇咗佢地，公院何止「亂」，根本開唔到門。
住院個多月，每個鐘都靠大半邊天來完成各種因為有病臥床，無法自主完成的生活大小事。
由量血壓、度體溫、俾藥、抽血、斟水、派飯甚至餵飯、換衫、清潔、扶住起床落床、收集記錄我地既生理資料、到推我地出病房到其他部門接受治療...諗得到既嘢，都由佢地包辦。
我好多謝佢地。希望佢地工作順利，獲得應有的敬重。
也希望慣性靠踢爆衰嘢、媽建制來博Like、推動進步的媒體，對公院數以千計默默地服務病人的英雌(當然也有英雄)，還給她們應有的credit。
我相信，香港社會仍有值得稱頌的一面。只不過，1.我們的預期越來越高，2.對政治的憎恨佔據了我們所有的視野，懶理世間情。