190411四Day34午後雲：感謝王德馨醫生

第三日由治療師扶住用拐杖練行。
昨腳軟，今好啲，但未夠穩。Ward 走廊人多，一見人就窒步。
三兩個治療師要照顧全Ward 幾十人，每個房友每日只有幾分鐘。幸虧今日起，獲准在探病時間，由家人扶住行。這就可以每日行十幾分鐘，加快進度。希望這個週末，在家人協助下，能行得穩健，無須攙扶。
謝網友留言。近日學如何從床上起身，以及反過來行埋床邊再瞓番。要盡少觸及腰傷，關鍵是瞓在床上，碌到床邊，腰不離床。然後用手扶住床邊撐起身。番上床則反轉程序。總之一味靠碌(滾)。
學識呢招，回家後，相信能自己起身，撐住拐杖去洗手間，然後瞓番。若此也就無須租用電動床。謝謝網友代為找到的資訊。
回家多了信心。
謝謝網友告訴我，原來我兒時在廣州的救命恩人王德馨女醫生，是香港王肇枝中學的創辦人，與我和父親同樣在49年後來港。
王醫生醫好我的骨結核時，我還未懂人事。但其後幾歲，每次有病，母親或湊我的阿燕都抱住我，坐三輪車去睇王醫生。王醫生既醫務所離我住既大新路很遠，係唔係西關？
但至今記得當時的情景：走廊擺滿酸枝椅，一眾母親抱著幼兒候診。輪到入診症室，古色古香的大廳，四周的酸枝椅同樣坐滿抱著幼兒的母親。哭聲此起彼落。
我由幾歲起，逢有病必係急性腸胃炎：不停地嘔，食乜藥都止唔到。嘔到虛脫，最後乾嘔黃疸水。
王醫生的治療也很簡單：用當時成寸粗既針筒作靜脈注射。
醫生用針咭入我左手臂彎時，唔知係唔係嘔到傻咗，我睇住，但係冇大喊，直至打完幾百cc 藥。
通常一針就止嘔，複診一次。但下次有病又係咁。
12歲來港後，未再有急性腸胃炎。會晤會係廣州既食水、食物？
衷心感謝你，王德馨醫生。得知你篤信基督。我如果知道你也來了香港，相信會去睇你。