190416二Day39午陰雨：出院前的最後OT

出院前最後一次做職業治療(OT)：
1. 站著用左右腳輪流上落踏板，模仿行樓梯。惜板太薄，大概只有梯級的三分一，做得再好也難保真能上樓梯。如是大概行咗十五分鐘。
2. 雙手轉動一個垂直的輪盤，面前屏幕的影片會隨著改變風景，就像揸車。
昨天的風景好似歐洲鄉間，睇耐咗好悶。今日好好多：似乎係阿姆斯特丹，我坐在船裡遊運河。每次經過拱橋，橋上的人都會揮手。
但輪盤有重量，相當於負重，轉十分鐘都幾攰。昨天做完甚至作悶，驚嘔。今天好好多。
3. 三種運動最Like：坐在輪椅上，面前用繩吊著一個小型足球，輪流用左右腳踢出去。既輕鬆又夠娛樂性。
大學後第一次踢波。也是十分鐘。踢到後來，熟能生巧，踢出去準，球蕩回來也幾乎都接得住。可惜屋企不易setup，否則在家都繼續玩。