190415一Day38午後雲：Countdown

週末過去，病房恢復full speed。醫生今晨早過平日巡房。確定明出院。
今晨獲安排學行樓梯，希望回家可應付日常起居，減少家人的負擔。
治療師兼俾我做兩種站立做的復康運動。前後至少20分鐘，發覺痛楚增加。剛做完胸口悶，擔心會嘔。
做完運動後，等了很久才回到病床。連忙上床休息，午飯也不敢坐著吃。
骨科一般入院即日做手術，頭尾住院4-5日。絕少像我這種一瞓個幾月，期間又幾乎無須用藥開刀的異類。
住得耐，也就見得多同房出入，從中學了些說不定有一日輪到我的經驗。
例如，有同房知道我跌落樓梯，問係唔係戴漸進鏡。原來，戴唔慣既話會有錯覺，從而叉錯腳。
我雖然唔覺有呢個問題，但都要諗諗，係唔係出街改戴非漸進鏡。
又例如，唔止一個房友由於大髀或腰腳的傷患，做過三四次手術。頭幾次癒合欠佳，又或觸及神經，影響身體其他功能，困擾了幾個月。要到這次才算搞掂。
苦的是，辛苦咗好幾年；但喜的是，最後仍然成功。或者說，開刀的方法有所改進，希望在人間。
但有同病相憐者說：敏感部位，可以唔做手術最好唔做。
Thank you God.