昨晚半夜每次紮醒，都瞄一眼手機的即時訊息，睇港人的特朗普Lotto是否已揭曉。接近凌晨算是有了答案，但一如大帥的作風：只有方向，沒有內容。撤銷特惠早就知啦，關鍵係幾快幾絕。
連日看新聞，終於明白，「撤銷優惠」亦即特朗普講既「一國一制」。一句講嗮，美國對大陸點，就對我地點。港人終於係100%的中國人。大陸貨賣去美國抽幾多稅，乜嘢美國貨唔俾大陸買，美國認爲國民去大陸有幾安全…，只要將文中既「大陸」換成「香港」，就係我地既命運。
司法也不例外。將來萬一有港人在港犯案後逃到美國，唔會解番離香港審，怕我地既司法對涉事人不公。
當然，咁係講去到盡。特朗普到時會唔會鬆的張，可信有內線既鋒哥話，一兩週後就有分曉。
商界話美國整我地，自己損失仲大。3億幾人既第一富國要靠750萬人既順差開飯？講呢的嘢既人，無良過特朗普。只有一個商家較有良心：指出我地靠金融而唔係製造業開飯，美國一旦係呢方面對我地同大陸實施同樣的限制，咁就大鑊。或因此，有港人趕換美金。
當然，更多人打探移民。有人擔心安全，尤其爲下一代，我不但理解，更且同情。我如果30/40，有子女，我都唔會賭。最多好似20/30年前既九七移民，攞咗護身符後，再看是否回流。但這一波移民歷經佔中、反修例、國安法，他日即使入籍五眼聯盟，也唔會番轉頭。
我一向不Like法律。完全明白公義公平的需要，但覺得一落到實際，就必然淪爲煩瑣哲學，有錢打贏官司既機會必然大過冇錢。當然，法律是necessary evil，就如言論自由、民主選舉、自由市場，副作用在所難免。但這次由本於大陸法的內地爲本於普通法的香港立國安法，俾香港用。這兩種法制從根本上思維不同甚至有時相反。香港的司法制度執行時，會否有很多矛盾？
例如係人都知，言論在大陸屬行爲，但在港唔算。在大陸，點名指斥領導人可觸犯煽動顛覆罪，就如有人對領袖的標準相潑墨。但在港隨口一句「XXX（領導人）個死仆街」，雖然隔鄰矚目，但冇人會覺得你應該被拉。內地爲港立國安法時，完全按英式普通法的定義？可能嗎？假以時日，香港法官會否也潛移默化，界定行爲的標準逐漸與內地拉近甚至看齊？
沒有留言:
張貼留言