200513三晚26°C 82%：又緊張了！

   俄羅斯連續12日新症過萬，總統新聞發言人中招。但死亡一如新加坡奇少。
   新加坡少可以相信：富可敵國，市容整潔，市民conform，醫療一流。
   俄羅斯就恐怕係：好多人感染後，還未入院就死係屋企、安老院，官方冇記錄。富裕醫療好的歐美大把呢種案例。俄羅斯更難免。
   歐美逐步放開，且看第二波有幾辣。
   美國死亡數字，看來下周就破10萬。若此，亦即4個月內，相當於3年韓戰和10年越戰加埋。這不是世紀浩劫是什麼？
   原來，抗疫最衰既全球領袖係巴西總統。且看巴西人下次係唔係仲選佢。

   港又緊張了！本地無案23日後終於斷纜，要重頭捱28日。而且，新案源頭不明，一家已有3人中招。
   有從祖國回港的巴裔告當局歧視，因爲要佢入住隔離營，而唔係居家、住酒店。
   啱既！你diu政府，我地一定撐。

   昨聽PK處長話通緝，仲以爲聲稱去年被警察強姦成孕流產的社運少女流亡咗。原來唔係，透過律師媽番警方（律師冇話，事主是否身在港。但有報紙話，為安全計，早已被家人送咗去海外）。處長咁就要攞多的證據出離，否則我地梗係信弱者啦！

    至於警監會調查報告，反修例既市民唔使問都唔會信啦。正如愛國人士唔會信國家隱瞞瞞疫情、阿侵追究有理。

    在此謹借今天《明報》頭版的《病房「姐姐」不做逃兵：位卑未敢忘憂國》
多謝過去一年住院兩個月期間，悉心照顧我既各位病房阿姐、阿哥。尤其感激東院一位阿姐。病房各種服務，例如清潔、收嘢、送嘢、...每日有定時。有一兩次我錯過咗，見呢位阿姐行過，問可唔可以幫個忙，補番我錯過咗既服務。唔係佢既份內工作，佢冇洒手，而且唔係喇埋口面，做得好好。
   有一晚我深夜見完呢位阿姐，第日清晨又見。問仲未收工？原來係隔離宿舍瞓。我諗唔夠八個鐘。
   又有一位阿哥，見我跌咗個膠水樽落地，崩咗個蓋，唔單止同我執番（我係被order 24小時臥牀，坐起身都唔俾），仲用膠紙黐番好個蓋。個樽而家仲係屋企。
   呢的係病房幫過我既朋友，我一概唔知姓甚名誰。醫護制服唔寫姓名可以理解。但希望的阿姐阿哥知道，佢地既辛勞有人appreciate既。唔係淨係醫護等專業人士先有人多謝。