藉疫情冬眠了近4個月後，「光復革命」緊隨氣溫，急劇回升。昨天母親節原來係去年大戲下半場的熱身。一晚捕200+人，街上再見火光，旺角初見去年年底營救理工外圍大戰的氣氛。
唔黃唔藍的一般人，要有所準備，唔好以爲疫情過後就可以搏殺，把失去的時間搶回來。冇咁好死架！
不過，比起香港的街頭革命，全球疫情厲害千萬倍。我們捱得過疫情，革命溼溼碎啦！
唔好意思，連日都忘了一個全球話題："White House down"（荷里活片名）。特朗普同彭斯都有唔止一個近身中招。這兩個全球最有權勢的人物堅稱自己冇事。But who knows？萬一陰陰下轉陽，正副總統都要隔離甚至臥牀，豈非輪到權力順位第三的特朗普死對頭衆院議長Nancy Pelosi話事？美國政策一夜間全部反轉？
你估，14億人有冇人爲此去靈山求神拜佛？
不過，Pelosi對中國可能重辣。
沒有留言:
張貼留言