180701日晚30°C 78%：C朗和美斯同日飲恨

   無巧不成書，世盃昨16強開打，兩大球王殊場同歸。下屆，C朗37歲，美斯也35，即便再打，也難望奪冠。兩大球王幾注定此生無世盃。一對瑜亮終於equal了。
   阿根廷對法國輸後衛；烏拉圭贏葡萄牙在於有雙鋒。
   要說馬後炮，法國無疑踢得好，但阿根廷輸在第三球。此仗的法國MVP在龍門前幾碼的左輔位標前，阿根廷6號反應遲鈍，被拋離兩個身位。此球輸得難睇，法國打順，阿根廷洩氣，隨即輸埋第四個。
   由此記起，人都崇拜英雄，讚入波唔讚擋波。未聽說有球王係後防，包括門將。但世界級賽事，對方在30碼內起腳都好危險。及時閘住對方射門，相當於爲己隊入波。足球應學籃球計封籃，每閂一次射門折算爲己隊入半個波。
   而且，拉美強隊慣性攻強守弱。世界勁旅或只有意大利守強過攻。
   烏拉圭雖然兩個波都屬卡雲尼，但我更歸功於第一球阿蘇拖過對手，第一時間斬出的落點，以及第二球，隊友第一時間邊走邊撥左，造就卡雲尼切入空位「燙」個靚波。
   C朗的罰球未能再演分組賽第一天的神奇，也就係咁大。
   C朗、美斯和賽前被熱捧的埃及沙拿都出局。法國昨天包辦兩個高速動態入球的Mbappe（看姓氏可知正宗非洲裔），或會被捧成新比利。
       收工，等睇西班牙vs東道主。