2018年7月7日 星期六

180707六黃昏30°C 78%:巴西撞正巨人殺手

   連日想講,但又擱下。世盃昨起開始產生最後四強。
   昨晚看10點直播的法國2:1淘汰烏拉圭。烏拉圭雖然輸第二個波係門將送禮,但法國攻防較有效,門將穩健,應贏。
   我事前睇好烏拉圭,因爲此前幾場,阿蘇和卡雲尼雙翼齊飛,全隊整體上有致。法國雖然16強對阿根廷,反擊快,Mbappe(粵語或可謔稱「唔!巴閉」)更請阿根廷食塵,但整體上似乎冇咁突出。
   當然,我錯了。烏拉圭對法國少了卡雲尼,加上門將彈琵琶,對手則在強隊中狀態較穩。
   至於半夜2點巴西vs比利時,上了年紀難捱夜。但天光前如廁瞄手機:巴西輸2:1被淘汰,是今屆繼韓國在分組賽間接「淘汰」德國、俄羅斯在十六強淘汰西班牙後,最大的冷門!
   早上8點醒來,立即搵重播。慶幸台灣的ELTA(愛爾達)剛開波大約15分鐘。但比利時已領先1:0,原來係烏龍波。
   森巴足球仍然漂亮,巴西也很努力。落後2球後,連尼馬都博命,不再詐死拖時間。但時也命也,唯唱垓下歌。
   單看兩隊的表現,以2:2加時最後射十二碼較合理。但比利時贏在門將和盧卡古。門將至少頂咗3-4個睇似必入的球,冇一球靠門柱。選MVP,我絕對投他一票。比利時第二球無疑射得靚,但主要是盧卡古帶波衝咗半個場,離禁區不遠處及時右傳空位之功。
   決賽週前,新聞就說比利時很厲害,如今再看,更應說「巨人殺手」。四強比利時對法國怕要看作五五波。比利時與法國毗鄰,約有一半人講法語。兩國性相近,總不會習相遠吧?
   再說,荷蘭、丹麥、比利時等歐洲小國,人口還不及中國一個縣。但足球高幾級。不敢想象中國足球哪一天能不靠主辦權,打入決賽週
   同樣有趣的是,烏、巴昨晚齊出局,今晚餘下的兩場八強無論誰贏,四強歐洲玩嗮。拉美人怕同聲一哭。
   以我的管見,隱含拉美單靠腳法不足以抵消歐洲的機動+速度+身形。拉美雖加強了奔跑的速度,但進攻時執着於短傳、插花,不及歐洲的中距離突破快,對手根本來不及補位。一句話,拉美應加大傳球的距離。
   說到底,單靠美妙的腳法不足以抵消歐洲隊形的優勢。
   我唔戀殖,但今晚希望英格蘭出線。至於另一方,克羅地亞原則上高半皮,但俄羅斯主場隨時可翻船。萬一最終由英格蘭vs俄羅斯爭盃,我做普京,一定請靚太阿May親臨觀賞,借勢修補間諜落毒疑案後的關係。

1 則留言:

Patrickov 提到...

英俄只會四強碰頭爭入決賽,普京如有此意,今晚要做嘢矣