201122日晚24°C 85%：A real Silent Night?

專家上周話第四波離緊時，我還以爲專家五成話八成，等你我打對折回應都有近四成。

而家翻頭睇，專家原來係打真軍。第四波至今已去緊一個禮拜，仍處升軌，而且上坡幾steep。怕仲要緩升幾日先到頂，然後周末穩住，再過一周先回落。降軌怕又要行十日。

好彩既話，聖誕可鬆一鬆，事後最多又爆過。唔好彩既話，Bar、dancing floor同唱silent night，老蘭、阿So…普天同㷫。

跳舞組3日累計80單。跳交際舞，partner間口鼻既距離怕只有20 cm，僅次於情侶。而且跳完隻Tennessee Waltz, Patti Page 唱口，少不免要”Change Partner”。有此後果可以理解。

跳舞組有人對記者話，佢地呢個圈子有幾百人，相信係包括：職員、導師、學員。若此，今後幾日陸續有來，怕要近周末先爆嗮。埋單會否有150？

今晚WhatsApp話，港人最愛既澳牛，明起再次自我封關。但與此同時，有新開既酒店自助餐歡迎大家。睇視頻，凡爾賽宮咁豪。但一轉念，唔喺話病毒係固體表面可存活幾個鐘乜？But美食嘢既羹、夾，上手揸完到下手。一場自助餐，頭尾個幾鐘，少說也有幾十人揸過。難道規定食客戴醫用手套乜？何況排住隊行經食物鏈時，口氣也可能波及食物、隔離…。

我唔喺想倒人米、掃人興，但實事求是，唔想下一波爆個自助餐組，更唔想自己見報。