180819日夜29°C 82%：給手J有得博

   180820一後補：想落，明知中港靠外貿，踢中港出WTO，似乎想香港冧、內地學蘇聯咁崩潰。咁樣話唔定香港真係可以獨立。
   明知現實中冇可能，但這樣倡議可逼中方忍唔住出橫手，令全球譁然，從而大衛打敗哥利亞。
      
   趁特統對華殺得性起，本月頭條人物（圖，取自AD）加一腳，說特區只是北京傀儡，勸特統改《美國-香港政策法1992》，踢中、港出WTO。
   港法與內地法逐漸拉近後，此語不但「煽動」，更有吳三桂之嫌。至於當局有冇case，事主致函特統前，當與法界同情者度過。
   直覺上，港以英法爲本，只要不提暴力，玩大佢，賺8可能只蝕2。特區唔告交唔到差。但法律程序少說也一年，期間庭內庭外官民鬥法，港人加深分裂，西媒定期炒，說不定美英也不得不表態。
   新法律觀下，當局照理會贏，但怕只能判三幾個月，卻速成一個國際知名的自由鬥士。出來後周遊列國，宣揚特區的「本質」。如今港人遍天下，到處都有擁躉。加上中國樹大招風，各國都有反華的人。呢筆數點計？
   事主牌面或只係4仔，但「給」住隻J，都唔好話冇得博。