駐港外記請面臨DQ的獨青首領演講。外交部首次出手，講明不Like。前者在內地職責上管後者，後者則職業上慣反建制，各爲其主。但曲高和寡。港人多數唔知FCC係乜，唯政、媒、文化界愛炒。
的確，由英治到到今天，外記留港無須經外交部批。但以往也沒有港人公開要獨。港人越反，上頭加大反作用力，純屬牛頓第三定律。
西方鼓勵你爭權，官民持續頂牛，最後達致均衡，形成政治秩序。但中共漢人脾性，要求民間識做。你自律，我默認；你壓過來，我覺得受威脅、冇面，也就壓回去，加倍奉還。你越反，我越緊。中港近10年落入惡性循環的升軌，看不到盡頭。
但港人慣咗英治下無規律的自由，新一代要率性「去到盡」。又以為英式法治是防共的鐵布衫，鄙視漢/華式的「自律」。但其實，言論到底有冇限度，呢一刻連自由王國也講唔清楚。反報今稱〈Google蘋果fb刪名嘴陰謀論 稱難容傳播仇恨；網絡審查成「新常態」自由派反應兩極〉。
但其實，二戰至今73年，至少係自由民主既西方，鬧希特拉係言論自由，讚就唔係。咁算唔算底線？現只不過輪到中共話，鬧港獨係港人既自由，爲其提供平台唔係。
誠然，希特拉殺咗600萬人，港獨至少到目前非暴力，不能一概而論。但都話架啦，中共將言論也看作行爲。
你diu？我好明白。咁你想再佔中/起義定移民呀？
沒有留言:
張貼留言