180818六午29°C 79%：滅口？

   今日好，冇雨冇市冇新聞，惜有蚊。唯避開山林。
   香港金融中心，騰訊作爲「助紂爲虐」的象徵，一沉百踩唔奇。難解的是一個狂傲家族的罪案新聞。黑社會爲生意，一般唔張揚。但呢家人相反，回歸前就公開挑戰港英高層。但又唔似大幫會。
   呢類新聞冇乜significance，我懶click，只覺得是法律開明的副產品。越法治就越怕「爛仔」。以毒攻毒的vigilante甚至vindictive電影就係針對呢種進步的變態，爲大衆洩憤。
   40年前係美國睇Cliff Eastwood演的三藩市警探Dirty Harry。每逢佢用Magnum 44指住歹徒說，"Go ahead, make my day“，座上就有人拍手。荷里活演牛仔出身的列根入主白宮後，也用呢句潮語來挑戰在野的民主黨。
   如今反建制有理，本港上述家族的大哥保釋後當日墮斃，媒體似欲提醒受衆：上次「綁架」書店留手尾，今次唔通有人想...？
   莫笑，華人地區見過這種疑雲。台灣唯國民黨可組黨的時代，同情黨外的留美教授陳文成回台期間，由大學高處墮下死亡。無人認頭。直覺上，應與江南案、林義雄案同類甚至同源。
   但蔣經國開放報禁黨禁功莫大焉，大家都不想他沾上污名。
   香港今天相反，一有事，入上面數冇人反對。