2018年6月26日 星期二

180626二午後33°C 66%:英格蘭難「頂」

   昨開gym,回家累。加上世盃分組最後兩天,每日四場,但頭兩場10點才開,看了半場烏拉圭對俄羅斯就去睡。起初以爲俄羅斯都頂得吓,點知對着蘇亞雷斯仲有卡雲尼,半場就勝負分明。烏拉圭的球衣單車式,上身玲瓏浮凸,恍如女子選美。
     
   周日晚睇英格蘭以6:1數巴拿馬晉級。球球清脆,進攻時如水銀瀉地,早期的足球王國雄風好似番嗮離。淘汰賽中保持此狀態,邊隊都難頂。四名內很穩,奪冠看運氣。
   哈利簡尼的兩個十二碼勁道全球熱議。行刑時淡定,武俠小說話齋人劍合一,C朗都行埋便。論樣,哈利更靚,唔似C朗膠面。24歲有牌玩。皇馬怕會請佢代巴利。
   但to take an exception,哈利對巴拿馬「戴帽」,在入球數字上無爭議。但客觀上,射十二碼時對手企定定,遠遠易過在行動中入波,不應同樣計一球。這方面,籃球較合理:罰球1分,入波2分,遠射3分。
   足球正因入球少,易俾運氣左右,禁區出術應學籃球,罰2個十二碼,每個0.5分,相當於行動中入球1分。兩黃一紅逐出場時,加罰1個十二碼,送多0.5分。唯增加入球才能沖淡運氣的成分。
   因此,我會算哈利對巴拿馬入2球:2x1/2(十二碼)+1球(其實哈利呢個波亦屬撞彩:隊友射波撞到佢腳後踭入網。按球例last touch算佢入,但其實功在射波的隊友。合理的話應兩人每人算1/2)。
   這場不止英格蘭,被狂數的巴拿馬也值得一讚。不氣餒,不放棄,末段終博回一球。本國擁躉瘋狂,恍如贏咗世盃。自知弱,不與強比,只求盡力,好過自己就是勝利。理論上人人都明,但做得到的不多。揹着五千年歷史的大國民就是最佳的例子。
   港人前晚爲英格蘭狂喜,怕又觸動一些人的情結。

沒有留言: