2018年6月18日 星期一

180618一 29°C 76%:墨西哥抵讚,瑞士抵「靴」

   此文上博後開電視看睇瑞典vs韓國,想起The Economist封面。Is Kim Jong Un watching live in Pyongyong. And would he WIN?
       繼阿根廷後,昨再有兩強首仗失分。巴、西、葡、法、阿、德6強首仗,唯法國執到3分,德國甚至0分。
   上屆冠軍德國輸0:1。我坐在電腦前,等遠處的電視有動靜才看。即便這樣也顯見,墨西哥一開場就快攻。當時就估:趁上半場夠氣領先,下半場改守,讓時間壓力act on德國。算係估啱:領先1球後,下半場回防。德國搏命,機動如常,但腳法唔夠,運氣更差。墨西哥戰術和戰意都抵讚。弱隊對強隊就係要咁。
   巴西腳法照樣可觀。上半場領先1球,但無法增添。遇上暫時本屆最茅的瑞士,見尼瑪就食。後者無奈。加上一如德國欠運,攻極唔入。反而俾瑞士在門前推人頂入逼和,奈何!
   尼瑪的遭遇使我想起六十年代初他的前輩比利。以神級表現帶領巴西奪得世盃後,第二屆再出,一上場就被對方掃低,該屆宣告收工。下毒手者被逐,但一搏一大賺,其他強隊亦偷笑。不記得巴西該屆成績如何。當年罰則鬆,換了今天,怕全隊出局、國際停賽,甚至逐出足協,否則㩒唔住巴西暴動。
   昨第三場塞爾維亞贏哥斯達黎加1:0,最值得一記的是前者下半場龍門左側的25碼罰球,射得甚至靚過第一日的C朗。當然也是因爲距離較遠較側,對方的人牆排得較鬆,罰球容易越過人牆。C朗個球係正蛾眉月頂,對方成排高佬博嗮命,但都俾佢用高炮飛過,絕對神級。
   祝韓國今晚好運。

2 則留言:

Patrickov 提到...

其實巴西、阿根廷及葡萄牙的弊病都是「一人隊」,要靠一個球星食糊。葡萄牙好運,遇上鄰國的「仁義之師」,但阿、巴兩國都是有能力奪冠者,弱旅要求出路就只好用茅招,結果反而被人看穿弱點。

如果說法國不夠說服力,那麼今年奪冠熱門確實是老實打團隊波而又打得好的西班牙。

Patrickov 提到...

更正:結果二強反而被人看穿弱點。