200130四初六晚15°C 40%：當局失敗到透

    昨29日初五，武肺增幅進一步跌至兩成。希望不是因爲日前飆升到五成後，有人接著壓低其後幾日既增幅以維穩。
    呢次最棘手既係人傳人。如今城市人口密集、區間人口流動超頻繁，擴散率比只限於動物傳人不知高多少倍。凡係武漢人來往較多既地區，遲早領嘢。
    我既中國地理常識好差。睇ViuTV六點新聞先知，武漢係內陸第一大城，相當於中國既芝加哥。我大大話話係芝加哥住過六年半，第日要去武漢睇下點威法。原來，一係南北和東西交通既中轉站，二係工業重鎮，尤其係汽車和光電，好多外商係度設廠。我雖然憎汽車，但出身化學+物理，photoelectric點都要update下。
   原來，武漢都係world city（與我地唔同既只係工業與金融之別），好多外商駐守。因此，疫情散播快而廣，好多發達國家急於撤僑。世衛總幹事話唔使撤，顯然親華。看相貌似來自北非。一查，果然係Ethiopian。大概陳馮富珍退休前安排有方。
   
    港口罩荒已成恐慌的「慌」。初見有長者排隊落空，砸店泄憤。
    當局今次失敗到透，爲此只好死開記招。但所舉的應變不堪一嗮。第二號人物話：3,000萬個口罩好快到。
    1.講唔出仲有幾多日先到用家手；
    2.即使3,000萬個到齊，分俾750萬人，每人也只有4個，最多頂4日。
    最好笑係話，懲教署工場24小時趕工。但常識話：工人係在囚人士，識做口罩既唔會多過一千。限於規模，唔可能用全自動既流水作業，應付醫護人員怕都唔夠。750萬人既需要，冇一萬幾千工人點頂得住？
   而且唔知有冇聽錯：只有幾百萬個口罩幾日內到貨，其餘大部分仲要幾個禮拜。以呢兩日市面惡化的速度，怕不出一個禮拜就騷動。到時唔使黑衣人，輪到阿公阿婆出馬。
   至於新確診的一對武漢富貴七旬夫婦，除咗住係圓方W，去過四季、Ritz Carlton，唔係幾願講去過邊，擺明係靠錢逃離疫埠的強國人。裏邊有此經濟能力者，至少有好幾千萬。
   再唔封關，好戲在後頭。到時強國人湧來，我地有西方護照既出走西方，激發當地人反彈、歧視甚至仇視。我地媽大陸人，西方人媽我地。
   風水佬呃你十年八年，我最多呃你十日八日。