多謝多年的網友Patrickov指出我嚴重的錯誤：把津巴布韋近乎終身的領導人Mugabe穆加貝說成坦桑尼亞。的確，上博前懶check。
至於長者2蚊雞搭車是否合理，有網友話特朗普既民粹更厲害。我這才醒起：好似係北京，早期確係2元搭地鐵。後來才取消。且看我地幾時跟隨。
今午既大遊行被「狗」否決，當然再見煙火。但力度和集會人數都遠遜從前。
且看呢次過年會玩幾大。唔會去藍色食肆裝修團年/開年飯卦？
但拜年嗌「五大訴求，缺一不可」，倒無傷大雅--如果親友唔怕過年流流嗌霎既話。
林鄭用10大着數益長者，話到底係用鈔票代選票！希望九月建制選立會冇輸得咁慘。
總之，我地上頭行國家資本主義，民主免問，要錢就有得傾。
「武肺」繼續發酵。至今當地2人死，港個案差1人滿100，歐美日漸關注。我地吼實博炒。但病情仍遠遠輕過沙士。除非病毒突變，否則應可安渡。
至於有官/軍背景既靚女揸賓士踩入故宮既廣場，威過習大大、特總統，好簡單者，咁中意國寶，請佢當衆掃廣場一個月啦！
中方係白宮簽第一階段城下之盟時，特朗普笑嗮，劉鶴強顏。翌日睇理性愛國既MP中國版頭條，用詞超技巧：睇完都知美方贏，但又避免俾愛國派鬧長他人志氣（我唔記得下載，否則這裏引用。AD開始每日收$1.68後，我冇訂，翻過標題算數。）
最近呢兩年，同美方傾咗十幾次，次次都被人逼，低聲下氣，全無年前的《厲害》。帶頭的劉鶴擺明好鴿，記得有兩次更以主席特使領銜。
難道真係有人車完先知，自己同美國仲差好遠。但歷來偉大，唔認得衰，只好默默收皮？
沒有留言:
張貼留言